SRI SHARADAMBA HS SHENI: STD I

INTRODUCTION OF ETSB SYSTEM - DETAILED INSTRUCTIONS TO DDOS, TREASURY OFFICERS AND EMPLOYEES..see downloads for details**ഡിപ്പാർട്മെന്റൽ പ്രൈമറി ഹെഡ്മാസ്റ്റർമാരിൽനിന്നും സ്ഥാനക്കയറ്റം നൽകി അസിസ്റ്റന്റ് സൂപ്പർ ചെക്ക് ഓഫീസറായി 39500 -83000 രൂപ ശമ്പളനിരക്കിൽ നിയമിച്ചു -ഉത്തരവ് പുറപ്പെടുവിക്കുന്നു....ഡൗണ്‍ലോഡ്സ് കാണുകൾൾOEC Lumpsumgrantന് അപേക്ഷിക്കുന്നതിനുള്ള സമയപരിധി ജൂലൈ 10 വരെ ദീര്‍ഘിപ്പിച്ചു, 2019 ജൂലൈയില്‍ നടക്കുന്ന ഡിപ്പാര്‍ട്ട്‌മെന്റല്‍ ടെസ്റ്റിന് അപേക്ഷ ക്ഷണിച്ചു.ഓണ്‍ലൈനായി ജൂലൈ 5നകം അപേക്ഷിക്കണം.** **

Send study materials to shreeshaedneer@gmail.com

ഹയർസെക്കണ്ടറി പ്ലസ്‌വൺ: മെരിറ്റ് ക്വാട്ട വേക്കൻസി സീറ്റുകളിലെ പ്രവേശനത്തിന് നാളെ (ജൂലൈ 17) അപേക്ഷിക്കാം
വിവിധ അലോട്ട്‌മെന്റുകളിൽ അപേക്ഷിച്ചിട്ടും നാളിതുവരെ അലോട്ട്‌മെന്റ് ലഭിക്കാത്ത വിദ്യാർത്ഥികൾക്ക് ആവശ്യമെങ്കിൽ പ്രസിദ്ധപ്പെടുത്തിയ വേക്കൻസിയിൽ പ്രവേശനം നേടുന്നതിന് ജൂലൈ 17ന് അപേക്ഷ സമർപ്പിക്കാം. എന്നാൽ നിലവിൽ പ്രവേശനം നേടിയവർക്കും വിവിധ ക്വാട്ടകളിൽ പ്രവേശനം നേടിയശേഷം വിടുതൽ സർട്ടിഫിക്കറ്റ് വാങ്ങിയവർക്കും അപേക്ഷിക്കാനാകില്ല. നിലവിലുളള വേക്കൻസി അഡ്മിഷൻ വെബ്‌സൈറ്റായ www.hscap.kerala.gov.inൽ ജൂലൈ 17ന് രാവിലെ ഒൻപത് മണിക്ക് പ്രസിദ്ധീകരിക്കും. ഈ വേക്കൻസിയുളള പ്രവേശനം നേടാൻ ആഗ്രഹിക്കുന്നവർ നിശ്ചിത മാതൃകയിലുളള അപേക്ഷ പ്രിൻസിപ്പാളിന് 17ന് വൈകിട്ട് നാല് മണിക്കുളളിൽ സമർപ്പിക്കണം. ഇത്തരത്തിൽ സ്വീകരിക്കുന്ന അപേക്ഷകൾ പ്രിൻസിപ്പൽമാർ ഓൺലൈനായി അപ്‌ലോഡ് ചെയ്യണം. ഒരു വിദ്യാർത്ഥി ഒരു അപേക്ഷ മാത്രമെ സമർപ്പിക്കാവൂ. പ്രസിദ്ധപ്പെടുത്തിയ വേക്കൻസികൾക്കനുസൃതമായി എത്ര സ്‌കൂൾ/കോഴ്‌സുകൾ വേണമെങ്കിലും ഈ അപേക്ഷയിൽ ഓപ്ഷനായി ഉൾപ്പെടുത്താം. മാതൃകാഫോറം വെബ്‌സൈറ്റിൽ ലഭ്യമാണ്. സ്‌കൂളുകളിൽ നിന്നും അപ്‌ലോഡ് ചെയ്യപ്പെട്ട അപേക്ഷകൾ കേന്ദ്രീകൃതമായി പരിഗണിച്ച് മെരിറ്റ് അടിസ്ഥാനത്തിൽ റാങ്ക് ലിസ്റ്റ് തയ്യാറാക്കി അഡ്മിഷൻ വെബ്‌സൈറ്റിൽ ജൂലൈ 18ന് രാവിലെ ഒമ്പത് മണിക്ക് പ്രസിദ്ധീകരിക്കും. അഡ്മിഷൻ ലഭിക്കാൻ കൂടുതൽ സാധ്യതയുളള സ്‌കൂൾ/കോഴ്‌സ്, റാങ്ക് ലിസ്റ്റിലൂടെ മനസ്സിലാക്കി അപേക്ഷകർ രക്ഷകർത്താക്കളോടൊപ്പം പ്രവേശനം നേടാൻ ആഗ്രഹിക്കുന്ന സ്‌കൂളിൽ ജൂലൈ 18ന് രാവിലെ പത്ത് മണിമുതൽ 12 മണിക്കു മുമ്പ് യോഗ്യതാ സർട്ടിഫിക്കറ്റ്, വിടുതൽ സർട്ടിഫിക്കറ്റ്, സ്വഭാവ സർട്ടിഫിക്കറ്റ്, അപേക്ഷയിൽ ബോണസ് പോയിന്റ് ലഭിക്കുന്നതിന് വിവരങ്ങൾ ഉൾപ്പെടുത്തിയിട്ടുണ്ടെങ്കിൽ അവയുടെ അസൽ രേഖകളും ഫീസുമായി പ്രവേശനത്തിന് റിപ്പോർട്ട് ചെയ്യണം. വിദ്യാർത്ഥികളുടെ യോഗ്യതാ മെരിറ്റ് മാനദണ്ഡങ്ങൾ ഉറപ്പാക്കി വേക്കൻസിക്ക് തുല്യമായ സീറ്റുകളിൽ അതത് പ്രിൻസിപ്പൽമാർ ജൂലൈ 18ന് 12 മണിക്ക് ശേഷം ഒരു മണിക്കുളളിൽ പ്രവേശനം പൂർത്തിയാക്കണമെന്ന് ഹയർസെക്കൻഡറി ജോയിന്റ് ഡയറക്ടർ അറിയിച്ചു...dt.16-07-2019

ഒ.ഇ.സി വിദ്യാഭ്യാസാനുകൂല്യം: സ്‌കൂളുകൾ വിവരങ്ങൾ ലഭ്യമാക്കണം
സംസ്ഥാനത്തെ സർക്കാർ/എയ്ഡഡ്/അംഗീകൃത അൺ എയ്ഡഡ്/ സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്‌കൂളുകളിൽ ഒന്ന് മുതൽ പത്ത് വരെ ക്ലാസ്സുകളിൽ പഠിക്കുന്ന ഒ.ഇ.സി വിദ്യാഭ്യാസനുകൂല്യത്തിന് അർഹരായ വിദ്യാർത്ഥികളുടെ വിവരങ്ങൾ ഇ-ഗ്രാന്റ്‌സ് പോർട്ടലിൽ എന്റർ ചെയ്യാത്ത സ്‌കൂളുകൾ ഉടനടി ഡാറ്റാ എൻട്രി പൂർത്തിയാക്കണം. അർഹമായ തുക വിദ്യാർത്ഥികളുടെ ബാങ്ക് അക്കൗണ്ടിലേക്ക് ട്രാൻസ്ഫർ ചെയ്യും. വിശദ വിവരങ്ങൾ ഉൾക്കൊള്ളുന്ന സർക്കുലർ www.egrantz.kerala.gov.in, www.bcdd.kerala.gov.in എന്നീ വെബ് സൈറ്റുകളിൽ ലഭ്യമാണ്. ഡാറ്റാ എൻട്രി ഹെൽപ് ലൈൻ - egrantz3.0helpline@gmail.com കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളുമായി ബന്ധപ്പെടുക. ഫോൺ: 0484 2429130(എറണാകുളം), 0495 2377786 (കോഴിക്കോട്) dt.16-07-2019

വിദ്യാര്‍ഥികളുടെ സമഗ്ര പുരോഗതിക്കായി ബി പോസിറ്റീവ് വിദ്യാഭ്യാസ മേഖലയില്‍ 38.179 കോടി രൂപയുടെ പദ്ധതികള്‍
പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ജില്ലയിലെ വിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുന്നതിനും 100 ശതമാനം വിജയം കൈവരിക്കുന്നതിനുമായി മികവുത്സവം 2019 ശില്‍പശാല ജില്ലാ കലക്ടര്‍ ടി വി സുഭാഷ് ഉദ്ഘാടനം ചെയ്തു. സമൂഹത്തിന് പ്രയോജനപ്പെടുന്ന വ്യക്തിയാക്കി ഓരോ വിദ്യാര്‍ഥിയെയും മാറ്റാന്‍ കഴിയണമെന്ന് കലക്ടര്‍ പറഞ്ഞു. ദീര്‍ഘ വീക്ഷണത്തോടെ സ്വപ്‌നം കാണാന്‍ അവരെ പ്രാപ്തരാക്കണമെന്നും സമൂഹത്തില്‍ വികസനം ഉണ്ടാക്കാന്‍ ആഗ്രഹിക്കുന്നവരാക്കി വിദ്യാര്‍ഥികളെ മാറ്റണമെന്നും അദ്ദേഹം പറഞ്ഞു. ജില്ലയിലെ ഹൈസ്‌കൂള്‍, ഹയര്‍ സെക്കന്ററി വിദ്യാര്‍ഥികളുടെ അക്കാദമികവും അക്കാദമികേതരവുമായ മികവുകള്‍ ഉറപ്പുവരുത്തുന്നതിനായി നിരവധി പദ്ധതികളാണ് ജില്ലാ പഞ്ചായത്തിന്റെ നേതൃത്വത്തില്‍ 2019-20 വര്‍ഷം ജില്ലയില്‍ നടപ്പാക്കുന്നത്. വിദ്യാര്‍ഥികളുടെ അക്കാദമിക മികവ്, ആരോഗ്യ കായിക ക്ഷമത, മാനസികാരോഗ്യം, നൈപുണ്യ വികാസം എന്നിവ ലക്ഷ്യംവച്ചുള്ളതാണ് പദ്ധതികള്‍. ഇതിന്റെ ഭാഗമായി പത്താം ക്ലാസിലെത്തുമ്പോള്‍ കുട്ടികളുടെ മാനസിക സമ്മര്‍ദ്ദം കുറയ്ക്കുന്നതിനായി എട്ട്, ഒന്‍പത് ക്ലാസ് മുതല്‍ ഇംഗ്ലീഷ്, ഗണിതശാസ്ത്രം വിഷയങ്ങളില്‍ വിദ്യാര്‍ഥികളുടെ ശേഷി വികസിപ്പിക്കുന്നതിനും ആത്മവിശ്വാസം വര്‍ധിപ്പിക്കുന്നതിനുമുള്ള പ്രവര്‍ത്തനങ്ങള്‍ ആരംഭിക്കും. ഇതിനായി അധ്യാപകര്‍ക്കായി ശില്‍പശാല സംഘടിപ്പിക്കും. കുട്ടികളുടെ മാനസികവും കായിക പരവുമായ വികസനം ഉറപ്പുവരുത്തുന്നതിന് എട്ട്, ഒന്‍പത് ക്ലാസുകളില്‍ ആരോഗ്യ കായിക വിദ്യാഭ്യാസവും എസ് എസ് എല്‍ സി, പ്ലസ് ടു പരീക്ഷയെഴുതുന്ന വിദ്യാര്‍ഥികള്‍ക്ക് കൗണ്‍സലിംഗും നല്‍കും. കൂടാതെ വിദ്യാലയങ്ങളുടെ നേതൃത്വത്തില്‍ സ്‌ക്വാഡുകള്‍ രൂപീകരിച്ച് ചുരുങ്ങിയത് മൂന്ന് തവണയെങ്കിലും വിദ്യാര്‍ഥികളുടെ പ്രശ്‌നങ്ങള്‍ മനസിലാക്കുന്നതിനായി അവരുടെ വീടുകള്‍ സന്ദര്‍ശിക്കണം. കുട്ടികളുടെ പഠന സമ്മര്‍ദ്ദം കുറയ്ക്കുന്നതിനായി രക്ഷിതാക്കള്‍ക്ക് ബോധവല്‍ക്കരണ പരിപാടിയും സംഘടിപ്പിക്കും. വിദ്യാര്‍ഥികളെ വിജയിപ്പിക്കുക എന്നതിലുപരി എല്ലാ വിദ്യാര്‍ഥികളും കുറഞ്ഞത് ബി പ്ലസ് ഗ്രേഡ് കരസ്ഥമാക്കണം എന്നതാണ് ഈ വര്‍ഷം ലക്ഷ്യമിടുന്നത്. എല്ലാ കാര്യത്തിലും ബി പോസിറ്റീവ് എന്ന ചിന്താഗതി ഉണ്ടാവേണ്ടതുണ്ടെന്നും യോഗം നിര്‍ദേശിച്ചു. ഈ വര്‍ഷം 20 ശതമാനം കുട്ടികള്‍ക്ക് മുഴുവന്‍ വിഷയങ്ങളിലും എ പ്ലസ് വിജയം കരസ്ഥമാക്കാന്‍ കഴിയണം. പദ്ധതിയുമായി ബന്ധപ്പെട്ട് എല്ലാ സ്‌കൂളുകളിലും ഈ മാസം 20നകം സ്റ്റാഫ് കൗണ്‍സില്‍ യോഗം ചേരണമെന്നും ആഗസ്റ്റ് 30നകം വിദ്യാഭ്യാസ ശില്‍പശാല സംഘടിപ്പിക്കണമെന്നും യോഗം നിര്‍ദേശിച്ചു. ശില്‍പശാലയുടെ റിപ്പോര്‍ട്ട് സെപ്റ്റംബര്‍ അഞ്ചിനകം ഡിഡി, ആര്‍ഡിഡി എന്നിവര്‍ക്ക് സമര്‍പ്പിക്കണം. ഒക്ടോബര്‍ ആദ്യം കൗണ്‍സലിംഗ് ചേരും. ഈ മാസം സ്‌കൂളുകളില്‍ എല്ലാ രക്ഷിതാക്കളെയും പങ്കെടുപ്പിച്ച് പിടിഎ യോഗം ചേരണമെന്നും യോഗം നിര്‍ദേശിച്ചു. ഈ മാസം അവസാനത്തോടെ ജില്ലാതലത്തില്‍ പിടിഎ, മദര്‍ പിടിഎ പ്രസിണ്ടന്റുമാരുടെ യോഗം ചേരും. കെമിസ്ട്രി ഒഴികെയുള്ള എല്ലാ വിഷയങ്ങളിലും സംസ്ഥാന ശരാശരിയേക്കാള്‍ ഉയര്‍ന്ന വിജയ ശതമാനം ജില്ലയ്ക്കുണ്ടെന്നും 100 ശതമാനം നേടുന്ന വിദ്യാലയങ്ങളുടെ എണ്ണം രണ്ട് വര്‍ഷം കൊണ്ട് ഇരട്ടിയായെന്നും യോഗം വിലയിരുത്തി. ഗണിതശാസ്ത്രം, സാമൂഹ്യ ശാസ്ത്രം, ഒന്നാംഭാഷ, ഐ ടി എന്നിവയില്‍ മുന്‍ വര്‍ഷത്തേക്കാള്‍ പ്രകടനം മെച്ചപ്പെടുത്താന്‍ സാധിച്ചു. വിദ്യാഭ്യാസ മേഖലക്കായി ഈ വര്‍ഷം 38.179 കോടി രൂപയാണ് ജില്ലാ പഞ്ചായത്ത് ആകെ വകയിരുത്തിയിരിക്കുന്നത്. സ്‌കൂള്‍ കെട്ടിടങ്ങളുടെ നിര്‍മ്മാണത്തിനും ഭൗതിക സാഹചര്യങ്ങള്‍ മെച്ചപ്പെടുത്തുന്നതിനും 35.8 കോടി രൂപയും ഫര്‍ണീച്ചര്‍ വിതരണത്തിനായി 1.239 കോടി രൂപയും പഞ്ചായത്തിന് കീഴിലുള്ള സ്‌കൂളുകളില്‍ സിസിടിവി സ്ഥാപിക്കുന്നതിന് 23 ലക്ഷം രൂപയും മാറ്റിവെച്ചിട്ടുണ്ട്. ലൈബ്രറി ശാക്തീകരണത്തിനായി 20 ലക്ഷം രൂപയും തിരികെ തിരുമുറ്റത്തേക്ക് പദ്ധതിയിലേക്കായി രണ്ട് ലക്ഷം രൂപയും വകയിരുത്തിയിട്ടുണ്ട്. തെരഞ്ഞെടുത്ത സ്‌കൂളുകളിലെ ജൈവവൈവിധ്യ പാര്‍ക്കുകളുടെ പരിപാലനത്തിന് 4.08 ലക്ഷം രൂപയും തെരഞ്ഞെടുത്ത സ്‌കൂളുകളിലെ എട്ട്, ഒന്‍പത് ക്ലാസുകളിലെ കുട്ടികള്‍ക്ക് യോഗ, മാര്‍ഷ്യല്‍ ആര്‍ട്‌സ് എന്നിവയില്‍ പരിശീലനം നല്‍കുന്നതിന് അഞ്ച് ലക്ഷം രൂപയുമാണ് ജില്ലാ പഞ്ചായത്ത് വകയിരുത്തിയിരിക്കുന്നത്. പിന്നോക്കക്കാരായ കുട്ടികള്‍ക്കും പ്രതിഭകളായ കുട്ടികള്‍ക്കുമുള്ള ഒന്നാം ഘട്ട സഹവാസ ക്യാമ്പുകള്‍ക്കായി 31.56 ലക്ഷം രൂപയും സ്‌കൂളുകളില്‍ നടക്കുന്ന പകല്‍ സഹവാസ ക്യാമ്പുകള്‍ക്കായി 7.2 ലക്ഷം രൂപയും വകയിരുത്തിയിട്ടുണ്ട്. ഡയറ്റ്, എസ്എസ്‌കെ, സാമൂഹ്യനീതി വകുപ്പ് തുടങ്ങിയവയുടെ സഹകരണത്തോടെയാണ് പദ്ധതികള്‍ നടപ്പാക്കുന്നത്. എസ് എസ് എല്‍ സി, ഹയര്‍ സെക്കന്ററി, വൊക്കേഷണല്‍ ഹയര്‍ സെക്കന്ററി പരീക്ഷകളില്‍ 100 ശതമാനം വിജയം കൈവരിച്ച സ്‌കൂളുകള്‍ക്കുള്ള അനുമോദനവും ചടങ്ങില്‍ നടന്നു. ജില്ലാ പഞ്ചായത്ത് ഹാളില്‍ നടന്ന പരിപാടിയില്‍ ജില്ലാ പഞ്ചായത്ത് പ്രസിഡന്റ് കെ വി സുമേഷ് അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ കെ പി ജയബാലന്‍, വി കെ സുരേഷ് ബാബു, ടി ടി റംല, ജില്ലാ പഞ്ചായത്ത് അംഗം അജിത്ത് മാട്ടൂല്‍, ഡിഡിഇ ടി പി നിര്‍മ്മല ദേവി, ജില്ലാ പഞ്ചായത്ത് സെക്രട്ടറി വി ചന്ദ്രന്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. പാലയാട് ഡയറ്റ് സീനിയര്‍ ലക്ചറര്‍മാരായ എസ് കെ ജയദേവന്‍, കെ പി രാജേഷ്, അസാപ് ജില്ലാ പ്രോഗ്രാം മാനേജര്‍ ഇസ്മയില്‍ കെ ബഷീര്‍, ഐ സി ഡി എസ് സൂപ്പര്‍ വൈസര്‍ ഡോ. പ്രജിന എന്നിവര്‍ വിവിധ വിഷയങ്ങളില്‍ ക്ലാസെടുത്തു.dt.16-07-2019

Pages

STD I

1 comment: