SRI SHARADAMBA HSS SHENI: VIJAYABHERI - MATHS QUESTION BANK 2019 -2020

Treasury Regulations for the payment of March Salary.See downloads*Directions for Paperless Bill for Salary Claim of March 2020 by all Departments ..Instructions..see downloads**Daily Wages Salary during Lock Down Period..See downloads**

Send study materials to shreeshaedneer@gmail.com

Tuesday, 7 January 2020

VIJAYABHERI - MATHS QUESTION BANK 2019 -2020

എസ്.എസ്.എല്‍. സി വിജയശതമാനം വർദ്ധിപ്പിക്കുന്നതിനായി മലപ്പുറം ജില്ലാ പഞ്ചായത്ത് നടപ്പിലാക്കി വരുന്ന വിജയഭേരി പദ്ധതിയുടെ ഭാഗമായി തയ്യാറാക്കിയ ഗണിതം ചോദ്യ ശേഖരം ഷേണി ബ്ലോഗിലൂടെ ഷെയര്‍ ചെയ്യുകയാണ് ശ്രീ സതീശന്‍ സാറിന് ഷേണി സ്കൂള്‍ ബ്ലോഗ് ടീമിന്റെ നന്ദിയും കടപ്പാടും അറിയിക്കുന്നു.
VIJAYABHERI MATHEMATICS - QUESTION BANK 2019-20
VIJAYABHERI 2018 -2019
VIJAYABHERI ENGLISH QUESTION BANK
VIJAYABHERI MATHS QUESTION BANK MAL MEDIUM
VIJAYABHERI MATHS QUESTION BANK ENG MEDIUM

3 comments:

Unknown said...: Please publish answer key; 21 January 2020 at 19:48
Unknown said...: Please publish answer key; 21 January 2020 at 19:48
Unknown said...: Post the English version of mathematics question paper; 6 February 2020 at 19:57

Post a Comment

കോവിഡ് 19 : സത്യവാങ്മൂലം, വെഹിക്കിള്‍ പാസ് എന്നിവ ഇനി മുതല്‍ ഓണ്‍ലൈനിലും
കോവിഡ് 19 നെ തുടര്‍ന്നുള്ള നിയന്ത്രണങ്ങളുടെ പശ്ചാത്തലത്തില്‍ പൊതുജനങ്ങള്‍ക്ക് അത്യാവശ്യ സാഹചര്യത്തില്‍ യാത്ര ചെയ്യുന്നതിനാവശ്യമായ സത്യവാങ്മൂലം, വെഹിക്കിള്‍ പാസ് എന്നിവ ലഭിക്കുന്നതിന് ഓണ്‍ലൈന്‍ സംവിധാനം സജ്ജമാക്കിയാതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. https://pass.bsafe.kerala.gov.in എന്ന ലിങ്ക് വഴി പൊതുജനങ്ങള്‍ക്ക് ഈ സൗകര്യം പ്രയോജനപ്പെടുത്താം. സൈബര്‍ ഡോം നോഡല്‍ ഓഫീസര്‍ കൂടിയായ എഡിജിപി മനോജ് എബ്രഹാമിന്‍റെ നേതൃത്വത്തിൽ സൈബർ ഡോമിലെ വിദഗ്ധ സംഘമാണ് ഓണ്‍ലൈന്‍ സംവിധാനം വികസിപ്പിച്ചത്. വളരെ അത്യാവശ്യ സന്ദര്‍ഭങ്ങളില്‍ യാത്ര ചെയ്യുന്നതിനാവശ്യമായ സത്യവാങ്മൂലം ഓണ്‍ലൈനില്‍ ലഭിക്കുവാന്‍ യാത്രക്കാര്‍ പേര്, മേല്‍വിലാസം, വാഹനത്തിന്‍റെ നമ്പര്‍, സഹയാത്രികന്‍റെ പേര്, യാത്ര പോകേണ്ടതും തിരിച്ചു വരേണ്ടതുമായ സ്ഥലം, തീയതി, സമയം, മൊബൈല്‍ നമ്പര്‍ എന്നിവ രേഖപ്പെടുത്തിയതിനു ശേഷം യാത്രക്കാരന്‍റെ ഒപ്പ് അപ്ലോഡ് ചെയ്യണം. ഈ വിവരങ്ങള്‍ പോലീസ് കണ്‍ട്രോള്‍ സെന്ററിൽ പരിശോധിച്ചശേഷം സത്യവാങ്മൂലം അംഗീകരിച്ച ലിങ്ക് യാത്രക്കാരന്‍റെ മൊബൈല്‍ നമ്പറിലേയ്ക്കു മെസ്സേജ് ആയി നല്‍കും. യാത്രവേളയില്‍ പോലീസ് പരിശോധനയ്ക്കായി ഈ ലിങ്കില്‍ ലഭിക്കുന്ന സത്യവാങ്മൂലം കാണിച്ചാല്‍ മതിയാകും. അപേക്ഷ നിരസിച്ചിട്ടുണ്ടെങ്കില്‍ ആ വിവരം മൊബൈല്‍ നമ്പറിലേയ്ക്കു മെസ്സേജ് ആയി ലഭിക്കും. ഒരു ആഴ്ചയില്‍ ഓണ്‍ലൈന്‍ മുഖാന്തിരം ഉള്ള സത്യവാങ്മൂലം പ്രകാരം പരമാവധി മൂന്നു തവണ മാത്രമേ യാത്ര അനുവദിക്കുകയുള്ളു. വെഹിക്കിള്‍ പാസ് ഓണ്‍ലൈനായി നല്‍കുന്നത് മരണം, ഒഴിവാക്കാനാകാത്ത ആശുപത്രി സന്ദര്‍ശനം മുതലായ തികച്ചും ഒഴിവാക്കാനാകാത്ത സാഹചര്യങ്ങളില്‍ മാത്രം ഉപയോഗിക്കാനാണ്. പേര്, മേല്‍ വിലാസം, മൊബൈല്‍ നമ്പര്‍ എന്നിവ ചേര്‍ത്ത ശഷം ഫോട്ടോ, ഒപ്പ്, ഒഫീഷ്യല്‍ ഐഡി കാര്‍ഡ് എന്നിവയുടെ ഇമേജ് അപ്‌ലോഡ് ചെയ്യണം. പരിശോധനയ്ക്കു ശേഷം പാസ് യാത്രക്കാരന് മെസ്സേജ് ആയി ലഭിക്കും. ഇതും ആഴ്ചയിൽ പരമാവധി മൂന്നുതവണയേ ലഭിക്കൂ. നൽകുന്ന വിവരങ്ങൾ തെറ്റാണെന്ന് തെളിഞ്ഞാൽ അപേക്ഷകർക്കെതിരെ നിയമനടപടി സ്വീകരിക്കും. വളരെ അത്യാവശ്യ സാഹചര്യങ്ങളില്‍ ഉപയോഗിക്കുവാന്‍ ലഭ്യമാക്കിയിട്ടുള്ള ഈ സൗകര്യങ്ങള്‍ ദുരുപയോഗം ചെയ്യുന്നവര്‍ക്കെതിരെയും നിയമ നടപടികള്‍ സ്വീകരിക്കുന്നതായിരിക്കും.dt 30-03-2020

ഉച്ചഭക്ഷണ പദ്ധതി അരി - നിര്‍ദ്ദേശം
ഉച്ചഭക്ഷണത്തിനു ഉപയോഗിക്കാൻ വച്ചിരിക്കുന്ന അരി സ്കൂൾ കുട്ടികൾക്ക് നൽകുന്നതിന് നേരത്തെ ഉത്തരവ് നൽകിയിരുന്നു. എന്നാൽ സ്കൂൾ അവധിയായതിനാൽ പല സ്കൂളുകൾക്കും അരിവിതരണം ചെയുവാൻ കഴിഞ്ഞില്ല. എന്നാൽ ഇപ്പോൾ ബഹു. മുഖ്യമന്ത്രി പ്രഖ്യപിച്ച കമ്മ്യൂണിറ്റി കിച്ചന്റെ ഭാഗമായി ഭക്ഷണം പാകംചെയ്തു നൽകുന്നതിനായി തദ്ദേശ സ്ഥാപനങ്ങളിൽ നിന്നോ ജില്ലാ ഭരണകൂടത്തിന്റെ ഭാഗത്തു നിന്നോ ആവശ്യം ഉണ്ടാകുന്നെങ്കിൽ നീക്കിയിപ്പുള്ള മുഴുവൻ അരിയും കൃത്യമായ അളവ് രേഖപ്പെടുത്തി സ്കൂൾ പ്രഥമാധ്യാപകർ /AEO /DEO ഇവരിൽ ആരെങ്കിലും തദ്ദേശസ്വയംഭരണ സെക്രട്ടറി/ജില്ലാ ഭരണകൂടം ചുമതല പെടുത്തുന്ന പ്രതിനിധിക്ക് കൈമാറേണ്ടതാണ് എന്ന് പൊതുവിദ്യാഭ്യാസ ഡയറക്ടറുടെ നിര്‍ദ്ദേശം...dt 25-03-2020

ധനമന്ത്രിയുടെ ഓഫീസ് പുറപ്പെടുവിക്കുന്ന പത്രക്കുറിപ്പ്
കരാർ ജീവനക്കാർക്കും ദിവസവേതനക്കാർക്കും കോവിഡ് മൂലമുള്ള അവധി ദിനങ്ങളിലും ഡ്യൂട്ടി ആയി കണക്കാക്കി ശംബളം നൽകാൻ ധനവകുപ്പ് തീരുമാനം. ഇതടക്കം ഈ മാസത്തെ ശമ്പളവിതരണത്തിനുള്ള ഉത്തരവ് ധനവകുപ്പ് പുറത്തിറക്കി. ഈ മാസത്തെ ശമ്പള ബില്ലുകള്‍ ഇലക്ട്രോണിക് രൂപത്തില്‍ മാത്രം സമര്‍പ്പിച്ചാല്‍ മതിയാകും. എല്ലാ ശമ്പള-പെൻഷൻ ബില്ലുകളും 31/03/2020 മുമ്പായി പാസാക്കാൻ ട്രഷറി ഓഫീസർമാർക്ക് നിർദ്ദേശം നൽകി. ഈ മാസത്തെ ശമ്പളബില്ലിൽ എയിഡഡ് സ്ഥാപനങ്ങൾക്ക് കൌണ്ടർ സൈൻ വേണ്ട. കാസർഗോഡ് ഒഴികെയുള്ള ജില്ലകളിൽ സർക്കാരിന്റെ അടിയന്തിര പേമെന്റുകൾക്കും വ്യക്തികളുടെ ഒഴിച്ചുകൂടാനാവാത്ത പേമെന്റുകൾക്കും മാത്രമായി മൂന്നിലൊന്ന് ജീവനക്കാരെ വിനിയോഗിച്ച് എല്ലാ ട്രഷറികളും ഭാഗികമായി പ്രവർത്തിപ്പിക്കും. സർക്കാർ നിർദ്ദേശിച്ചിരിക്കുന്ന പ്രകാരമുള്ള സുരക്ഷാ മുൻകരുതലുകളും പൂർണ്ണമായും പാലിക്കുന്നുണ്ടെന്ന് ഉറപ്പുവരുത്തും. ഉചിതമായ രീതിയിൽ ജീവനക്കാരെ താൽക്കാലികമായി ജില്ലാ ട്രഷറി പരിധിക്കുള്ളിൽ പുനർവിന്യസിക്കാൻ ജില്ലാ ട്രഷറി ഓഫീസറെ ചുമതലപ്പെടുത്തിയിട്ടുണ്ട്. കാസർഗോഡ് ജില്ലയിൽ നിലവിലുള്ള കർശന നിയന്ത്രണത്തിന്റെ വെളിച്ചത്തിൽ ജില്ലാ ട്രഷറി ഒഴികെയുള്ള ട്രഷറിയുടെ പ്രവർത്തനം ഈ മാസം അവസാനം വരെ നിറുത്തിവെയ്ക്കും. മറ്റ് ട്രഷറികളിൽ ഉൾപ്പെടെയുള്ള സർക്കാരിന്റെ അടിയന്തിര പേയ്‌മെന്റുകൾ ജില്ലാ ട്രഷറി മുഖേന നിർവ്വഹിക്കും. ഇതനുസരിച്ചു വിദ്യാഭ്യാസ വകുപ്പിൽ പ്ലാൻ, നോൺപ്ലാൻ ഹെഡിൽ ഇനി മാറിയെടുക്കാനുള്ള തുകക്കുള്ള ബില്ലുകൾ നേരത്തെ ട്രഷറി നിർദേശം അനുസരിച്ചു 27/3/20 നു തന്നെ സമർപ്പിക്കേണ്ടതാണ്. അങ്ങനെ ബിൽ സമർപ്പിക്കുന്നതിന് ആവശ്യമുള്ള ജീവനക്കാർ നാളെയും, മറ്റന്നാളും (26, 27/3/2020) ഓഫീസിൽ ഹാജരായി proceedings ഉം വൗച്ചറുകളും റെഡി ആക്കി ട്രഷറി യിൽ സമർപ്പിക്കേണ്ടതാണെന്നു പൊതുവിദ്യാഭ്യാസ ഡയറക്ടർ അറിയിച്ചു. സാമ്പത്തിക വർഷം നീട്ടി വയ്ക്കും എന്ന് പ്രചരണം ഉണ്ടെങ്കിലും സാങ്കേതികമായി സാധ്യമല്ല എന്ന് ധനമന്ത്രി യുടെ ഓഫീസിൽ നിന്നും അറിയുന്നു. ആയതിനാൽ ഇത് അടിയന്തിരമായി ചെയ്തു തീർക്കേണ്ടതിനാൽ അങ്ങനെയുള്ള സെക്ഷനുകൾ ഓഫിൽ വന്നു ജോലി ചെയ്യുക. .dt 25-03-2020

കേരളത്തിൽ ലോക്ക് ഡൗൺ
കോവിഡ്19 രോഗവ്യാപനം തടയുന്നതിനായി കേരളത്തിൽ ലോക്ക് ഡൗൺ പ്രഖ്യാപിച്ചു. മാർച്ച് 31 വരെയാണ് ലോക്ക് ഡൗൺ പ്രഖ്യാപിച്ചിട്ടുള്ളതെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. 31 ന് ശേഷം എന്തുവേണമെന്ന് ആ ഘട്ടത്തിൽ തീരുമാനിക്കും. അവശ്യവസ്തുക്കൾ, മരുന്ന് എന്നിവയുടെ ലഭ്യത ഉറപ്പാക്കും. സംസ്ഥാന അതിർത്തികൾ അടയ്ക്കും. പൊതുഗതാഗതം ഉണ്ടാകില്ല. സ്വകാര്യ ബസുകളും ഓടില്ല. ഓട്ടോ, ടാക്‌സികൾ എന്നിവ നിയന്ത്രങ്ങൾക്ക് വിധേയമായി സർവീസ് നടത്തും. സ്വകാര്യവാഹനങ്ങൾ ഉപയോഗിക്കുന്നതിന് തടസ്സമില്ല. മെഡിക്കൽ സ്റ്റോറുകൾ ഒഴികെയുള്ള അവശ്യവസ്തുക്കൾ വിൽക്കുന്ന കടകൾ രാവിലെ ഏഴുമുതൽ വൈകിട്ട് അഞ്ചുവരെയാകും പ്രവർത്തിക്കുക. കാസർകോട് ജില്ലയിൽ ഇത്തരം കടകൾ രാവിലെ 11 മുതൽ വൈകിട്ട് അഞ്ചുവരെ പ്രവർത്തിക്കും. മറ്റു കടകൾ അടച്ചിടണം. ബാങ്കുകൾ ഉച്ചയ്ക്ക് രണ്ടുവരെ പ്രവർത്തിക്കുന്നരീതിയിൽ ക്രമീകരിക്കും. എൽ.പി.ജി വിതരണത്തിനും പെട്രോൾ പമ്പുകളുടെ പ്രവർത്തനത്തിനും തടസ്സമുണ്ടാകില്ല. കേരളത്തിലെ എല്ലാ ആശുപത്രികളും പ്രവർത്തിക്കും. സർക്കാർ ഓഫീസുകൾ ആവശ്യമായ ക്രമീകരണങ്ങളോടെ പ്രവർത്തിക്കും. ഈ ഘട്ടത്തിൽ അത്യാവശ്യമുള്ള ഉദ്യോഗസ്ഥർ മാത്രം ഓഫീസിൽ എത്തും. സഹകരണ സ്ഥാപനങ്ങളുടെ പ്രവർത്തനവും ക്രമീകരിക്കും. ആരാധനാലയങ്ങളിൽ ആളുകൂടുന്ന ചടങ്ങുകളെല്ലാം നിർത്തും. റെസ്റ്റോറൻറുകളിൽ ഇരുന്ന് ഭക്ഷണം കഴിക്കാൻ അനുവദിക്കില്ല. ഹോം ഡെലിവറി അനുവദിക്കും. ആളുകൾ വലിയ തോതിൽ പുറത്തിറങ്ങാതിരിക്കുകയാണ് ഉത്തമമെന്ന് മുഖ്യമന്ത്രി പറഞ്ഞു. വെള്ളം, വൈദ്യുതി, ടെലിഫോൺ, അവശ്യ ഭക്ഷ്യവസ്തുക്കൾ, മരുന്ന് എന്നിവ തടസമില്ലാതെ ജനങ്ങൾക്ക് ലഭിക്കും. കാസർകോട് ജില്ലയിൽ കൂടുതൽ കർക്കശമായ നടപടി സ്വീകരിക്കും. അനാവശ്യമായി പുറത്തിറങ്ങിയാൽ അറസ്റ്റും കനത്ത പിഴയുമുണ്ടാവും. ഭരണസംവിധാനത്തിന്റെ ഭാഗത്ത് നിന്ന് കർക്കശ നിരീക്ഷണവും ഇടപെടലും നടത്താൻ നിർദ്ദേശിച്ചിട്ടുണ്ടെന്ന് മുഖ്യമന്ത്രി പറഞ്ഞു. മറ്റു സംസ്ഥാനങ്ങളിൽ നിന്ന് കേരളത്തിലേക്ക് വരുന്നവർക്ക് പതിനാലു ദിവസത്തെ നിരീക്ഷണം നിർബന്ധമാണ്. കോവിഡ് വൈറസ് കൂടുതൽ പേരിലേക്ക് വ്യാപിക്കുന്ന സാഹചര്യത്തിൽ സംസ്ഥാനം സ്വീകരിക്കേണ്ട നടപടികളെക്കുറിച്ച് മന്ത്രിസഭ ചർച്ച ചെയ്ത് തീരുമാനിച്ചിട്ടുണ്ട്. കേന്ദ്രം പ്രഖ്യാപിച്ച ശക്തമായ നടപടികൾക്കൊപ്പമാണ് സംസ്ഥാനം. ഇതിനാവശ്യമായ നടപടി ജില്ലാ കളക്ടർമാർ സ്വീകരിക്കും. അതിഥി തൊഴിലാളികൾക്ക് പ്രത്യേക താമസസൗകര്യം ഒരുക്കുമെന്ന് മുഖ്യമന്ത്രി പറഞ്ഞു. ആവശ്യമായ വൈദ്യപരിശോധനയ്ക്കും ഭക്ഷണത്തിനും നടപടി സ്വീകരിക്കും. തൊഴിലില്ലാത്ത അവസ്ഥയിൽ അവർ പ്രയാസപ്പെടാൻ പാടില്ല. അതിഥിത്തൊഴിലാളികളെ ജോലിക്ക് നിയോഗിക്കുന്ന കരാറുകാരും തൊഴിലുടമകളും സർക്കാർ പ്രവർത്തനവുമായി അവരെ എങ്ങനെ സഹകരിപ്പിക്കാമെന്നത് ജില്ലാ അടിസ്ഥാനത്തിൽ പരിശോധിക്കും. നിരീക്ഷണത്തിൽ കഴിയുന്നവർ യാത്രചെയ്യുന്നത് കർക്കശമായി തടയും. ടെലികോം സേവനദാതാക്കളിൽനിന്ന് ഇവരുടെ ടവർ ലൊക്കേഷൻ മനസിലാക്കും. ഇവരുടെ അയൽപക്കക്കാർക്കും വിവരം നൽകാവുന്നവിധത്തിൽ ക്രമീകരണം ഒരുക്കും. കൊറോണ രോഗികളെ ചികിത്സിക്കാൻ മാത്രമായി ഓരോ ജില്ലയിലും കോവിഡ് ആശുപത്രികൾ സജ്ജമാക്കും. ആരോഗ്യ കുടുംബക്ഷേമ വകുപ്പും ജില്ലാ ഭരണസംവിധാനവും സംയുക്തമായി ഇത് നടപ്പാക്കും. ഡോക്ടർമാർ ഉൾപ്പെടെയുള്ള ആരോഗ്യപ്രവർത്തകർ വിശ്രമമില്ലാതെ പ്രവർത്തിക്കുകയാണ്. ഇവരുടെ സേവനം തുടർന്നും ഉറപ്പാക്കാൻ ആശുപത്രിക്കടുത്ത് താമസ, ഭക്ഷണസൗകര്യം ഏർപ്പെടുത്താൻ ശ്രമിക്കും. രോഗം പടരാനിടയായ സാഹചര്യം പരിഗണിച്ച് നോട്ടുകളും നാണയങ്ങളും അണുവിമുക്തമാക്കുക പ്രധാനമാണ്. ഇക്കാര്യത്തിൽ ധനകാര്യ സ്ഥാപനങ്ങൾ നടപടിയെടുക്കണമെന്നത് റിസർവ് ബാങ്കിന്റെ ശ്രദ്ധയിൽപ്പെടുത്തും. നിരീക്ഷണത്തിൽ കഴിയുന്ന വ്യക്തികൾക്കും കുടുംബങ്ങൾക്കും ആവശ്യമെങ്കിൽ ഭക്ഷണം വീടുകളിൽ എത്തിക്കും. മൈക്രോ ഫിനാൻസ് നടത്തുന്ന ചില സ്വകാര്യ കമ്പനികൾ ഇടപാടുകാരിൽനിന്ന് പണം ഈടാക്കാൻ ശ്രമിക്കുന്നുണ്ട്. ഇവരുടെ കളക്ഷൻ ഏജൻറുമാർ വീടുകളിൽ പോയി ഇരിക്കുന്ന സ്ഥിതിയാണ്. ഇത്തരത്തിലെ എല്ലാ കളക്ഷനും രണ്ടുമാസത്തേക്ക് നിർത്തിവെക്കണം. ഉംറ കഴിഞ്ഞ് വന്നവരും, വിദേശത്ത് നിന്നെത്തിയവരും വിവരം ജില്ലാ ഭരണകൂടത്തെ അറിയിക്കാൻ സ്വയം സന്നദ്ധരാകണം. ഇവരെ അറിയുന്ന ആൾക്കാർക്കും വിവരം അറിയിക്കാം. പഞ്ചായത്തുകൾക്ക് ഇക്കാര്യത്തിൽ മുൻകൈ ഏടുക്കാനാവും. രോഗപ്പകർച്ചാ സാധ്യത സംശയിക്കുന്നവരെ താത്കാലിക ഐസലേഷൻ കേന്ദ്രങ്ങളിലേക്ക് മാറ്റും. കൂടുതൽ രോഗസാധ്യതയുള്ളവരെ കൂടുതൽ സൗകര്യങ്ങളുള്ള ഐസൊലേഷൻ കേന്ദ്രങ്ങളിലാക്കും. നിരീക്ഷണത്തിലുള്ളവരുടെ കാര്യത്തിൽ സാമൂഹ്യ ജാഗ്രതയാണ് പ്രധാനം. ഇവരുടെ ലിസ്റ്റും ഉദ്യോഗസ്ഥരുടെ ഫോൺ നമ്പരും അയൽക്കാർക്ക് നൽകും. നിരീക്ഷണത്തിലുള്ളവർ ഇറങ്ങിനടക്കാൻ അനുവദിക്കില്ല. ലംഘിച്ചാൽ ശക്തമായ നടപടിയും അറസ്റ്റുമുണ്ടാകും. മാധ്യമപ്രവർത്തകർക്ക് വാർത്താശേഖരണത്തിന് ആവശ്യമായ സൗകര്യമൊരുക്കും. ഓരോരുത്തരും മുൻകരുതൽ സ്വീകരിക്കണമെന്ന് മുഖ്യമന്ത്രി നിർദേശിച്ചു. ഇക്കാര്യങ്ങൾ മാധ്യമമേധാവികളുമായി ചർച്ചചെയ്യും. കോവിഡ്19 മഹാമാരിയെ തടത്തുനിർത്താൻ ഒന്നിച്ചുമുന്നേറാൻ മുഴുവൻ ജനങ്ങളുടെയും സഹകരണം മുഖ്യമന്ത്രി അഭ്യർഥിച്ചു. എല്ലാസംവിധാനങ്ങളും സന്നദ്ധതയും സഹജീവിസ്നേഹവും ഒരു ചരടിൽകോർത്തപോലെ മുന്നേറേണ്ട ഘട്ടമാണിത്. ഇതിനായി സർക്കാർ ഒപ്പമല്ല, മുന്നിൽത്തന്നെയുണ്ടാകുമെന്ന് മുഖ്യമന്ത്രി പറഞ്ഞു. പി.എൻ.എക്സ്.1183/2020..dt 24-03-2020

Pages

Tuesday, 7 January 2020

VIJAYABHERI - MATHS QUESTION BANK 2019 -2020

3 comments: