Thursday, July 3, 2014

INCOME TAX RETURN - HOW TO FILL UP ITR 1 SAHAJ FORM? GUIDELINES BY SUDHEER KUMAR T K (COURTESY: (COURTESY:HEAD TEACHERS BLOG))

Income Tax Return for A Y 2014-15


      നികുതിദായകരായ വ്യക്തികൾക്ക് 2013-14 സാമ്പത്തികവർഷത്തെ Income Tax Return  സമർപ്പിക്കാനുള്ള സമയപരിധി 2014 ഏപ്രിൽ 1 മുതൽ ജൂലൈ 31 വരെയാണ്. Chapter VI A കിഴിവുകൾക്ക് മുമ്പുള്ള വരുമാനം(Housing Loan Interest കുറച്ചതിന് ശേഷം ഉള്ള വരുമാനം)  2 ലക്ഷത്തിൽ കൂടുതലുള്ളവരെല്ലാം റിട്ടേണ്‍ സമർപ്പിക്കണം.  ITR ഫോറം പൂരിപ്പിച്ച് Income Tax Office ൽ സമർപ്പിക്കുക വഴിയോ E Filing നടത്തി അതിലൂടെ generate ചെയ്യപ്പെടുന്ന ഫോം Bangalore ലേക്ക് അയയ്ക്കുക വഴിയോ നമുക്ക്  റിട്ടേണ്‍ സമർപ്പിക്കാം.

      Total  Assassable  Income 5 ലക്ഷത്തിൽ കൂടുതൽ ഉള്ളവർ E Filing നടത്തണംഎന്ന് നിർബന്ധമുണ്ട്.5 ലക്ഷത്തിൽ കുറവുള്ളവർക്ക് നേരിട്ട് കൊടുക്കുകയോ E Filing നടത്തുകയോ ആവാം. E Filing നടത്തുന്നതിനായി   ഇവിടെ ക്ലിക്ക് ചെയ്യുക.).
 ITR 1 അതായത് SAHAJ ഫോറത്തിൽ റിട്ടേണ്‍ തയ്യാറാക്കി സമർപ്പിക്കാം.  ഒരു വീടിന്റെ ഹൌസിംഗ് ലോണ്‍ ഇന്ററസ്റ്റ്‌ വരുമാനത്തിൽ കിഴിവ് നേടിയവർക്കും ഇതേ ഫോം ഉപയോഗിക്കാം.ഇൻകം ടാക്സ് ഓഫീസുകളിൽ നിന്നും ഈ ഫോറം ലഭിക്കും.  വെബ്‌സൈറ്റുകളിൽ നിന്നും ഡൌണ്‍ലോഡ് ചെയ്തു A4 ഷീറ്റിൽ 'fit topage'  print optionൽ കളർ പ്രിന്റ്‌ എടുത്തു ഉപയോഗിക്കാം.  ITR V -Acknowledgement Form കളർ പ്രിന്റ്‌ വേണമെന്നില്ല.ഇൻകം ടാക്സ് റിട്ടേണ്‍ സമർപ്പിക്കുമ്പോൾ അതിനോടൊപ്പം മറ്റു രേഖകളൊന്നും കൂടെ കൊടുക്കേണ്ടതില്ല.
Click to enlarge image





      ITR 1 (SAHAJ) ഫോം പൂരിപ്പിക്കേണ്ടത് എങ്ങിനെയെന്ന് നോക്കാം.
ഇതിന്റെ Part A യിൽ റിട്ടേണ്‍ സമർപ്പിക്കുന്ന വ്യക്തിയെ സംബന്ധിച്ച വിവരങ്ങളാണ് ഉള്ളത്.
A 1-A 3 വരെ  ജീവനക്കാരന്റെ പേര് എഴുതാനുള്ളതാണ്.  PAN കാർഡിൽ ഉള്ളത് പോലെ തന്നെ ഇതിലും എഴുതണം.CLICK TO KNOW YOUR NAME AS IN PAN CARD
A4 -Permanent Account Number - ഇവിടെ PAN നമ്പർ എഴുതാം.  ഇതിൽ 1 മുതൽ 5 വരെ സ്ഥാനങ്ങളിൽ ഇംഗ്ലീഷ് അക്ഷരങ്ങളും 6 മുതൽ 9 വരെ സ്ഥാനങ്ങളിൽ അക്കങ്ങളും പത്താം സ്ഥാനത്ത് ഇംഗ്ലീഷ് അക്ഷരവും ആയിരിക്കും.
A5 - Sex - ഇതിനു താഴെയുള്ള Male അല്ലെങ്കിൽ Female നു തുടക്കത്തിൽ കറുത്ത വൃത്തം കറുപ്പിക്കുക.
A6 - Date of birth - ഇതിനു താഴെയുള്ള കള്ളികളിൽ ജനനതിയ്യതി എഴുതുക.  രണ്ടു കള്ളികളിലായി തിയ്യതിയും രണ്ടു കള്ളികളിൽ മാസനമ്പരും 4 കള്ളികളിലായി വർഷവും എഴുതാം.
A7 - Income Tax  Ward/ Circle- ഇവിടെ ജീവനക്കാരന്റെ താമസസ്ഥലം സ്ഥിതിചെയ്യുന്ന ഇൻകം ടാക്സ് വാർഡ്‌ നമ്പരും സർക്കിളിന്റെ പേര് അല്ലെങ്കിൽ നമ്പരും എഴുതുക. നിങ്ങളുടെ വാർഡും സർക്കിളും അറിയില്ലെങ്കിൽ ഈ ലിങ്കിൽ  PAN നമ്പർ നല്കി അവ കണ്ടുപിടിക്കാം.
A8 മുതൽ 17 വരെ ജീവനക്കാരന്റെ താമസസ്ഥലമേൽവിലാസം എഴുതാം.
A18 - സർക്കാർ ശമ്പളം വാങ്ങുന്നവർ Government എന്നതിന് മുമ്പുള്ള വൃത്തം കറുപ്പിക്കുക.
A19 - അടയ്ക്കെണ്ടതായ ടാക്സ് മുഴുവൻ കഴിഞ്ഞ മാർച്ച്‌ മാസത്തിൽ കൈപ്പറ്റിയ ശമ്പളത്തിൽ നിന്നും കുറച്ചു കഴിഞ്ഞെങ്കിൽ 'Nil Tax Balance' നു മുമ്പുള്ള വൃത്തം കറുപ്പിക്കുക.  നേരത്തെ കാണിക്കാത്ത ഏതെങ്കിലും കിഴിവുകൾ മൂലം അടച്ച ടാക്സ് തിരിച്ചു ലഭിക്കാനുണ്ടെങ്കിൽ 'Tax Refundable' വൃത്തം കറുപ്പിക്കുക.  ടാക്സ് ഇനിയും കൊടുക്കാനുണ്ടെങ്കിൽ 'Tax Payable' കറുപ്പിക്കുക.
A20 - ഇവിടെ 'Resident' നു ചേർന്നുള്ള വൃത്തം കറുപ്പിക്കാം.
A22 , A 23  എന്നിവ പൂരിപ്പിക്കേണ്ടതില്ല.
A24 - ഒറിജിനൽ റിട്ടേണ്‍ ആണ് സമർപ്പിക്കുന്നത്  എന്നതിനാൽ ഇവിടെ ഒന്നും പൂരിപ്പിക്കേണ്ടതില്ല.  Revised Return സമർപ്പിക്കുമ്പോൾ മാത്രം ഇവ പൂരിപ്പിച്ചാൽ മതി.
A25 - ഇവിടെയും ഒന്നും പൂരിപ്പിക്കേണ്ടതില്ല. 

PART B - GROSS TOTAL INCOME
     ഇനി നമുക്ക് PART Bപൂരിപ്പിക്കാം.2013 -14 വർഷത്തെ FORM16 അല്ലെങ്കിൽ Statement നോക്കി പൂരിപ്പിക്കുന്നതാണ് എളുപ്പം.  Statement  ൽ കാണിക്കാത്ത ഏതെങ്കിലും കിഴിവുകൾക്ക് അർഹതയുണ്ടെങ്കിൽ അത് കൂടി റിട്ടേണിൽ ഉൾപ്പെടുത്തി ടാക്സ് കണ്ട ശേഷം ശമ്പളത്തിൽ നിന്നും അധികം കുറച്ച ടാക്സ് തിരിച്ചുവാങ്ങാവുന്നതാണ്.
B1- Income from Salary/Pension - ഇവിടെ FORM16 അല്ലെങ്കിൽ STATEMENT ൽ കാണുന്ന ആകെ ശമ്പളത്തിൽ നിന്നും Professional Tax കുറച്ചു കിട്ടിയ  സംഖ്യ എഴുതണം.
B2 - Income from one house property - Housing Loan Interest ഇവിടെയാണ് കാണിക്കേണ്ടത്.  ആദ്യം Self occupied എന്നതിന് മുമ്പുള്ള  വൃത്തം കറുപ്പിക്കുക.  എന്നിട്ട് B2 എന്നതിന്  അടുത്തു കാണുന്ന ബ്രാക്കറ്റിൽ മൈനസ് (-) ചിഹ്നം ചേർക്കുക.  കള്ളികളിൽ വീട്ടുലോണിന്റെ പലിശ എഴുതുക.
B3 - Income from other sources - മറ്റു വരുമാനങ്ങൾ കാണിക്കാനുണ്ടെങ്കിൽ എഴുതുക.
B4 - Gross Total Income  - B1 ൽ നിന്നും വീട്ടുലോണിന്റെ പലിശ കുറച്ചതിന് ശേഷം B3 കൂട്ടിയ സംഖ്യ എഴുതുക.


PART C - DEDUCTIONS AND TAXABLE TOTAL INCOME 
PART C യിൽ Chapter VI A യിലെ എല്ലാ കിഴിവുകളും കാണിക്കുന്നു.
C1 -80 C -  ഇവിടെ PF, LIC, GIS, SLI, FBS, Tution fees, Housing Loan Principal part paid മുതലായവ Section 80C പ്രകാരമുള്ള കിഴിവുകൾ പരമാവധി ഒരു ലക്ഷം വരെ ചേർക്കാം.
C2 - 80 CCC - LICയിലെ ചില Annuity Plan കൾ.
C3 - 80 CCD(1) -ചില പ്രത്യേക പെൻഷൻ പദ്ധതികളിലെ നിക്ഷേപം.
C4 - 80 CCD(2) - Section  80 CCD(2) ൽ പറയുന്ന പെൻഷൻ ഫണ്ടുകളിലെ നിക്ഷേപം.
C5 - 80 CCG - Rajiv Gandhi Eqity Saving Scheme പോലുള്ള Equity Saving Scheme കളിലെ നിക്ഷേപം.
C6 - 80 D - Mediclaim പോലുള്ള Health Insurance നു അടച്ച ഇൻഷുറൻസ് പ്രീമിയം.
C7 - 80 DD - വികലാംഗരായ ആശ്രിതരുടെ കിഴിവ് .
C8 - 80 DDB - തന്റെയോ ആശ്രിതരുടെയോ പ്രത്യേക രോഗങ്ങൾക്കുള്ള ചികിത്സചെലവ്.
C9 - 80 E - കുടുംബാംഗങ്ങളുടെ ഉന്നതവിദ്യാഭ്യാസത്തിനെടുത്ത ലോണിന്റെ പലിശ.
C10 - 80EE - സ്വന്തം താമസത്തിനായി ഉള്ള വീടിന്റെ ലോണ്‍ പലിശ.
C11 - 80 G - Section 80 G പ്രകാരം നല്കിയ സംഭാവനകൾ.
C12 - 80 GG - HRA ലഭിക്കാത്തവരുടെ വീട്ടുവാടക.
C13 - 80 GGA - Section 80 GGA പ്രകാരമുള്ള സംഭാവനകൾ.
C14 - 80 GGC - രാഷ്ട്രീയ പാർട്ടികൾക്കുള്ള സംഭാവന
C15 - 80 RRB - PATENTകളുടെറോയൽറ്റി
C16 - 80 QQB - പുസ്തകങ്ങളുടെ  റോയൽറ്റി
C17 - 80 TTA - വരുമാനത്തോടു കൂട്ടിയ ബാങ്ക് ഇന്റെറെസ്റ്റ് 80TTA അനുസരിച്ച്.
C18 - 80 U - വികലാംഗജീവനക്കാർക്കുള്ള കിഴിവ്
C19 - Total Deductions - C1 മുതൽ C18 വരെ കൂട്ടിയ തുക എഴുതണം.
C20 - Taxable Total Income - B4 ൽ നിന്നും C19 കുറച്ചു കിട്ടുന്ന സംഖ്യ ഇവിടെ എഴുതാം.

PART D - TAX COMPUTATION AND TAX STATUS
     PART D പൂരിപ്പിക്കുന്നതിനു മുമ്പായി രണ്ടാം പേജിന്റെ മുകൾഭാഗത്തെ കള്ളികളിൽ PAN നമ്പർ എഴുതണം.    PART D യിൽ ടാക്സ് സംബന്ധിച്ച വിവരങ്ങളാണ് നല്കാനുള്ളത്.
D1 - Tax payable on Total Income - മുൻപേജിലെ C19 ലെ  Taxable Total Income ത്തിന്റെ ടാക്സ് കണക്കാക്കി എഴുതുക.  Section 87A പ്രകാരമുള്ള കിഴിവ് പരമാവധി 2000 രൂപ കുറയ്ക്കുന്നതിന് മുമ്പുള്ള ടാക്സ് ആണ് ഇവിടെ കാണിക്കേണ്ടത്. ( അതായത് C20 ലെ Taxable Total income 5 ലക്ഷത്തിൽ കുറവെങ്കിൽ  2 ലക്ഷത്തിനു മുകളിൽ വരുന്ന സംഖ്യയുടെ 10% ;Taxable Income 5 ലക്ഷത്തിന് മുകളിലെങ്കിൽ  30000 രൂപയും 5 ലക്ഷത്തിനു മുകളിൽ വരുന്ന സംഖ്യയുടെ 20% വും കൂട്ടിയ തുക.)
D2 - Rebate u/s 87A - 5 ലക്ഷത്തിൽ താഴെ taxable income ഉള്ളവർക്കുള്ള പരമാവധി 2000 രൂപ വരെയുള്ള റിബേറ്റ് ഇവിടെ ചേർക്കണം.
D3 - Tax payable after Rebate -  ഈ സംഖ്യയാണ്  കഴിഞ്ഞ വർഷം അടയ്ക്കേണ്ട ടാക്സ്.  ഇത് ശരിയാണോ എന്ന് Form16 അല്ലെങ്കിൽ Statement പരിശോധിച്ച് ഉറപ്പു വരുത്തുക. (D1-D2)
D4 - Surcharge, if C20 exceeds 1 Crore - ഇവിടെ "0" ചേർക്കുക.
D5 - Cess   - D3  യിലെ ടാക്സിന്റെ 3 ശതമാനം സെസ് ഇവിടെ എഴുതാം. 
D6- Total Tax, Surcharge and Cess - ടാക്സും സെസ്സും കൂട്ടി എഴുതണം. (D3+D4+D5)
D7 - Relief u/s 89 - അരിയറുകൾ വാങ്ങിയത്‌മൂലമുള്ള റിലീഫിനു അർഹതയുണ്ടെങ്കിൽ ചേർക്കാം.  ഇത് FORM16 ൽ കാണാം.
D8 - Balance Tax after Relief - D6 ൽനിന്നും D7 കുറച്ചു കിട്ടുന്ന സംഖ്യ എഴുതാം. (D6-D7)
D9 - Total interest u/s 234A - '0' ചേർക്കാം.  (വൈകി റിട്ടേണ്‍ ഫയൽ ചെയ്താലുള്ള ഇന്റെറെസ്റ്റ്)
D10 - Total interest u/s 234B -  '0' ചേർക്കാം.  (അഡ്വാൻസ്‌ ടാക്സ് അടയ്ക്കാതിരുന്നാൽ)
D11 - Total interest u/s 234C - '0' ചേർക്കാം.   (അഡ്വാൻസ്‌ ടാക്സ് വൈകിയാൽ)
D12 - Total Tax and Interest - Interest '0' ആയതിനാൽ D8 ലെ സംഖ്യ തന്നെ ഇവിടെ എഴുതാം. (D8+D9+D10+D11)
D13 - Total Advance Tax paid - '0' ചേർക്കാം
D14 - Total Self Assessment Tax paid -   '0' ചേർക്കാം.  സ്വമേധയാ ബാങ്കിൽ ചെലാൻ വഴി ജീവനക്കാരൻ സ്വന്തം PAN നമ്പറിൽ ടാക്സ് അടച്ചിട്ടുണ്ടെങ്കിൽ അത് ചേർക്കണം.
D15 - Total TDS claimed -  ശമ്പളത്തിൽ നിന്നും കുറച്ച ടാക്സ് ഇവിടെയാണ് ചേർക്കേണ്ടത്.  ഈ പേജിലെ 'Sch TDS 1' എന്ന പട്ടികയിലെ നാലാം കോളമായ 'Tax deducted' ലെ സംഖ്യകളുടെ തുകയാണ് ഇവിടെ വരേണ്ടത്.
D16 - Total Taxes Paid -  D13, D14, D15 എന്നിവ കൂട്ടി കിട്ടിയ തുക എഴുതുക. (D13+D14+D15)
D17 - Total Payable -  D8 അല്ലെങ്കിൽ D12  ൽ കാണുന്ന നികുതിബാധ്യതയേക്കാൾ കുറവാണ് D16 ൽ കാണുന്ന അടച്ച ടാക്സ്‌ എങ്കിൽ അവ തമ്മിലുള്ള വ്യത്യാസം ഇവിടെ എഴുതുക.
D18 - Refund -  നികുതിബാധ്യതയെക്കാൾ കൂടുതലാണ് D16 ൽ കാണുന്ന അടച്ച സംഖ്യ എങ്കിൽ വ്യത്യാസം ഇവിടെ എഴുതാം.
     ഇതിനു താഴെ കാണുന്ന കോളങ്ങൾ ബാങ്ക് അക്കൗണ്ട്‌ വിവരങ്ങൾ എഴുതാനുള്ളതാണ്.  തുക തിരിച്ചു കിട്ടാനില്ലാത്തവരും നിർബന്ധമായും ബാങ്ക് വിവരങ്ങൾ രേഖപ്പെടുത്തണമെന്ന് ITR 1 ൽ പറയുന്നു.
D19 - Account Number എഴുതണം.
D20 - Type of Account - Current അല്ലെങ്കിൽ Savings കറുപ്പിക്കുക.
D21 - ഇതിൽ ബാങ്കിന്റെ IFSC കോഡ് എഴുതണം.  തുക തിരിച്ചു കിട്ടാനുണ്ടെങ്കിൽ ഇത് നിർബന്ധമായുംഎഴുതുക.  IFSC കോഡ് കിട്ടാൻ ഇവിടെ ക്ലിക്ക് ചെയ്യുക.
D22 - Exempt income only for reporting purpose - Exempted Income ഒന്നും കാണിക്കാനില്ലെങ്കിൽ '0' ചേർക്കാം

VERIFICATION
     Verification ൽ പേരും രക്ഷിതാവിന്റെ പേരും എഴുതി താഴെ സ്ഥലം, തിയ്യതി, ഒപ്പ് എന്നിവ ചേർക്കുക.  Name of TRP എന്ന് തുടങ്ങുന്ന വരിയിൽ ഒന്നും ചേർക്കേണ്ടതില്ല.  'Sch IT - Schedule of Advance Tax and Self Assessment Tax Payments' എന്ന പട്ടികയിൽ ഒന്നും ചേർക്കേണ്ടതില്ല.  

Sch IT - DETAILS OF ADVANCE TAX AND SELF ASSESSMENT TAX PAYMENTS
TDS ആയി അല്ലാതെ സ്വമേധയാ ടാക്സ് ബാങ്കിൽ PAN നമ്പർ പ്രകാരം അടച്ചെങ്കിൽ മാത്രം ഇവിടെ വിവരങ്ങൾ ചേർക്കാം.

Sch TDS1- DETAILS OF TAX DEDUCTED AT SOURCE FROM SALARY
ഈ പട്ടികയിലാണ് ശമ്പളത്തിൽ നിന്നും കുറച്ച ടാക്സിന്റെ വിവരങ്ങൾ ചേർക്കേണ്ടത്.  ഇതിനു താഴെ S1 എന്ന ഒന്നാമത്തെ വരിയിൽ  മാത്രമേ പൂരിപ്പിക്കാനുണ്ടാവൂ.  2013-14  ൽ രണ്ടു സ്ഥാപനങ്ങളിൽ ജോലി ചെയ്യുകയും രണ്ടിടത്തും ശമ്പളത്തിൽ നിന്നും ടാക്സ് കുറയ്ക്കുകയും ചെയ്തെങ്കിൽ രണ്ടാമത്തെ വരി കൂടി പൂരിപ്പിക്കാം.  TAN നു കീഴെ സ്ഥാപനത്തിന്റെ TAN നമ്പർ എഴുതുക.  ഇതിന്റെ ആദ്യത്തെ 4 സ്ഥാനങ്ങളിൽ അക്ഷരങ്ങളും 5 മുതൽ 9 വരെ സ്ഥാനങ്ങളിൽ അക്കങ്ങളും പത്താം സ്ഥാനത്ത് അക്ഷരവുമായിരിക്കും.  'Name of Employer' എന്നതിന് കീഴെ സ്ഥാപനത്തിന്റെ പേര് എഴുതുക.  'Income under salary' എന്നാ കോളത്തിൽ ആകെ വാങ്ങിയ ശമ്പളം എഴുതണം.  'Tax Deducted' നു താഴെ ശമ്പളത്തിൽ നിന്നും കുറച്ച ടാക്സ് എഴുതുക. 'Sch TDS2' എന്ന പട്ടിക പൂരിപ്പിക്കേണ്ടതില്ല.

Sch TDS2 - DETAILS OF TAX DEDUCTED AT SOURCE FROM INCOME OTHER THAN SALARY
ഈ പട്ടിക പൂരിപ്പിക്കേണ്ടതില്ല.
ഇതോടെ ITR I പൂരിപ്പിച്ചു കഴിഞ്ഞു.
     
ITR V ACKNOWLEDGEMENT
ഇനി ITR V അതായത് നമുക്ക് സീൽ ചെയ്തു തിരിച്ചു തരുന്ന 'Acknowledgement Form' പൂരിപ്പിക്കാം.
     'Received with thanks from' എന്നതിന് നേരെ റിട്ടേണ്‍ കൊടുക്കുന്നയാളിന്റെ പേര് എഴുതാം.  അതിനു താഴെ ITR No. നു നേരെ '1(SAHAJ)' നു ചേർന്നുള്ള ആദ്യത്തെ വൃത്തം കറുപ്പിക്കാം.  A1 മുതൽ A13 വരെയുള്ള കോളങ്ങളിൽ ITR 1 ൽ പൂരിപ്പിച്ചത് പോലെ പൂരിപ്പിക്കുക.
A14 ൽ മെയ്‌ 31 ന് മുമ്പാണ്  റിട്ടേണ്‍ സമർപ്പിക്കുന്നതെങ്കിൽ 'Before due date' നു മുമ്പും സമയപരിധി കഴിഞ്ഞാണ് സമർപ്പിക്കുന്നതെങ്കിൽ 'After due date'  നു മുമ്പും ഉള്ള വൃത്തം കറുപ്പിക്കുക.
B1 - Gross Total Income - ഇവിടെ ITR 1 ലെ B4 അതായത്  'Gross Total Income' എഴുതാം.
B2 - Deduction under Chapter VI A - ഇവിടെ ITR1 ലെ C19 അതായത് 'Total Deductions' എഴുതാം.
B3 - Total Income -  ഇവിടെ ITR 1 ലെ C20 അതായത് 'Taxable Total Income'ചേർക്കുക.
B4 - Current Loss if any -  ഇവിടെ ഒന്നും ചേർക്കേണ്ടതില്ല. '0' ചേർക്കുകയുമാവാം.
B5 - Net Tax Payable -  ഇവിടെ ITR 1 ലെ രണ്ടാം പേജിലെ D8 അതായത് 'Balance Tax after Relief'' എഴുതാം.
B6 - Interest Payable - ഇവിടെ ITR 1 ലെ D9, D10,D11 എന്നിവയുടെ തുക എഴുതണം. '0' ആയിരിക്കും.
B7 - Total Tax and Interest Payable -  D12 അതായത് ITR 1 ലെ ''Total Tax and interest' എഴുതുക.
B8 - Total Advance Tax paid -   D13  എഴുതുക
B9 - Total Self Assessment Tax paid -   D14  എഴുതുക
B10 - Total TDS Deducted -   D15  എഴുതുക
B11 - Total TCS Deducted - '0' ചേർക്കുക
B12 - Total Prepaid Taxes -  ITR 1 ലെ D16 'Total Taxes Paid' എഴുതുക.
B13 - Tax Payable -   ITR 1 ലെ D17 'Total payable' എഴുതുക
B14 - Refund -  ITR 1 ലെ D18 'Refund' എഴുതുക.
'SIGN HERE' എന്ന കള്ളിയിൽ ഒപ്പിടുക.
     ഇതോടെ 'Acknowledgement' ഉം പൂരിപ്പിച്ചു കഴിഞ്ഞു.  ഇനി ITR 1 ഉം Acknowledgement form ഉം കൂടി Income Tax Office ൽ സമർപ്പിക്കാം.  ഇതിനോടൊപ്പം മറ്റേതെങ്കിലും ഫോറങ്ങളോ രേഖകളോ കൂടെ കൊടുക്കേണ്ടതില്ല.  എല്ലാം കൃത്യമായി പൂരിപ്പിച്ചുവെങ്കിൽ Acknowledgement സീൽ ചെയ്തു തിരിച്ചു തരും.  ഇത് സൂക്ഷിച്ചു വയ്ക്കേണ്ടതുണ്ട്.   റിട്ടേണ്‍ ഫയൽ ചെയ്തു എന്നതിന് തെളിവായും ബാങ്കുകളിലും മറ്റും നമ്മുടെ സാമ്പത്തികസ്ഥിതി കാണിക്കുന്നതിനും മറ്റും ഇവ ആവശ്യമായി വരും.
     

1 comment:

  1. Search IFSC Codes of all banks in India!

    Here you can search more than 1,30,000 IFSC Codes of 175 Banks in India! It is easy for you to find respective bank and it's branch information which updated by adding IFSC codes of banks as they are provided by RBI.

    In order to find IFSC code of a branch, click below on respective bank then followed by state, district and branch. You can also find branch details by using IFSC Code at http://bankcodeifsc.com/searchby_ifsc

    List of Banks with IFSC codes

    ReplyDelete